196

REGISTRES DU BUREAU

[i563]

CCC1I. — [Passeport baillé à Jehan Beurrier, marchant à Chartres.]

18 février i563. (Z 6826, fol. 55 v°.)

Du jeudy, xvm^e Febvrier mil v^clxii.

Au jour d'uy, Jehan Beurrier, lejeune, marchant demourant à Chartres, a demandé congé de passer par la porte Sainct Jacques douze chevaulx chargez de mercerye, meslée provisions de Karesme, avec ung boucault de pouldre à canon et deux pistolles pour mener aud. lieu, après ce que le cappitaine Lindo, demeurant rue Aubery le Boucher, s'est

constitué pleige et caution pour led. Le Beurrier de la valleur desd, pouldres et pistolletz jusques à quinzaine, que led. Le Beurrier rapportera certifficat de mess" eschevins et gouverneurs de la ville de Chartres, comme led. Le Beurrier aura mené lesd, pouldre et pistolles eri lad. ville de Chartres pour la deffense d'icelle et non ailleurs, a esté ordonné que son passe porte luy sera baillé ausd, charges, à quoy led. Lindo s'est submis.

CCCIII. — [Visite des portes barrières au bourg Nostre Dame des Champs.]

20 février i563. (Z 6826, fol. 56 r°.)

Du xx^e jour de Febvrier mil v^c lxii. Jehan de la Rue et Hyerosme de la Porle, maistres charpentiers en ceste ville de Paris, sont comparuz

par devant Messieurs et ont faict le serment de voir et visiter les portes barrières aulx bourgs Nostre Dame des Champs.

CCC1V. — M^e Jehan Berthomier et consors condempnez à estre penduz et estranglez.

22 février 1563. ( Fol. 171 r°.)

Du xxu^e jour de Febvrier, l'an mil cens soixante deux.

Au jour d'huy, a esté baillé à m^e Raoul Croson, huissier en la Court des Aydes àParis, ung arestde la Court de Parlement, signé Malon, en dacte du xvi^c Febvrier mil cinq cens soixante deux'¹', par lequel et pour les causes y contenues m^e Jehan Berthomier et consors ont esté condempnez à estre penduz et estranglez et leurs biens confisquez,.sur

laquelle confisquation a esté adjugé au proffict de l'Hostel de la Ville pour employer aux affaires d'icelle la somme de cinquante mil livres sur tous lesd, condempnez, pour icelluy arest estre par luy mis à execution, saisir les biens et establir commissaires, adjourner les recepveurs et fermiers pour faire foy et serment quelles arreraiges ilz doibvent et quelz biens ilz peuvent avoir, le tout à la requeste de mons^r le Procureur general du Roy.

CCCV. — [Ordre de visiter le butin de] Meaulx.

25 février i563. (Fol. 171 r°.)

Du jeudy, xxv^e jour de Febvrier v° lxii.

A esté ordonné et enjoinct à Gabriel Vassé, sergent de lad. Ville, d'aller presentement à Sainct Jacques de l'Hospital veoir et visiter le butain et autres biens qui ont esté admenez de Meaulx par le

cappitaine Plastrier, et le prandre par inventaire, et le bailler en garde à personnes qui en puissent respondre, et sera faict deffences aud. cappitaine Plastrier de n'en riens transporter ne retenir, sur peyne de l'amende, et de nous en faire rapport par led. Vassé.

O Cet arrêt n'a pas été transcrit dans le registre criminel du Parlement et manque également dans les minutes; il fut cependant rendu le 17 février i563, comme Ie prouvent le payement de 25 livres fait par ordre de la Cour, le 27 février suivant, à Jean Rondet, maitre peintre, àpour seize tableaulx par luy livrez, pour l'exécution de l'arrest donné par lad. Court par defaulx et coustu-mace à l'encontre de Berthomiers et autres le xvii" jour de Fevrier mil v° lxiii-, et le règlement des frais d'Innocent de Compigny, questionneur juré, qui avait pendu en effigie Jean Berthomier et dix-huit de ses adhérents (Archives nationales, Parlement de Paris, X'° i3o, fol. 3o2 r°; X²* i4i, fol. 72 v°). A la date des 4 et 5 septembre 1562, Jean Berthomier, bailli de Montfort-Amaury, avait été remplacé par Philippe Moysen, avocat en Parlement, originaire de cette localité ; un arrêt du 1" mars suivant, qui maintint Philippe Moysen en possession de l'office de bailli malgré l'opposition de Barbe Barat, lieutenant particulier du bailliage, rappelle la condamnation capitale de Berthomier et consors, ainsi que la confiscation de leurs biens, très vraisemblablement pour cause de religion. ( Archives nationales, Parlement de Paris, X¹* i6o4, fol. 384 v°.)